مركز فيه أكتر من دكتور
كل طبيب له مواعيده وساعات عمله وقائمة مرضاه — على نفس ملفات المرضى وفاتورة واحدة للمركز كله.
كل دكتور وجدوله
ساعات عمل لكل طبيب على حدة، ومواعيده تتولد من ساعاته هو. ومفيش طبيب يتحجزله ميعادين في نفس الوقت، ولا في فرعين في نفس الوقت.
ملف واحد للمريض
المريض اللي كشف عند دكتور في المركز ملفه واحد. مش بيحكي تاريخه تاني عند الزميل، ومش بيتعمله ملف جديد كل مرة.
صاحب المركز يشوف حاجات الطبيب ما بيشوفهاش
الطبيب عنده الملف والمواعيد وقائمة المرضى. التحصيل وقائمة الفريق وإعدادات العيادة لصاحب المركز وحده — وده مريح للاتنين.
الفروع جوّه نفس المركز
كل فرع له عنوانه وساعاته ومكتب استقباله وخزنته. والملف الطبي يفضل للمركز كله، مش لكل فرع لوحده.
أسئلة قبل ما تبدأ
الباقة بتشيل كام دكتور؟
باقة المركز بتشمل 3 أطباء. اللي زيادة عن الباقة بيتحسب ويتضاف لفاتورتك، وعمره ما هيترفض — يعني لو عيّنت زميل الساعة تسعة بالليل بيشتغل من نفس اللحظة، ومحدش بيتوقف عند حائط دفع. المساعدين مش محسوبين أصلًا مهما كان عددهم. باقة المركز 2,999 ج.م. في الشهر.
ينفع كل تخصص يبقى عيادة لوحدها جوه المركز؟
المركز عندنا كيان واحد فيه أطباء وفروع وخدمات. التخصص بيتحدد من الطبيب نفسه ومن الخدمات اللي بيقدمها، والمكان بيتحدد من الفرع. مفيش طبقة تانية اسمها «أقسام»، وده قرار مش نقص: القسم اللي بيقسّم الملفات بيخلي المريض يحكي تاريخه مرتين جوه نفس المبنى.
هل كل دكتور يقدر يفتح ملفات مرضى زميله؟
أيوه، افتراضيًا. المركز مكان واحد وملف المريض واحد، وده اللي بيخلي التحويلة بين زميلين تشتغل. صلاحية قراءة الملفات بتتظبط لكل عضو من إعدادات الفريق، والقراءة نفسها بتتسجل في سجل المراجعة — «مين فتح الملف ده وإمتى» سؤال ليه إجابة.
لو المركز بيوزّع نسب على الأطباء؟
ده مش موجود. سِجل بيسجّل اللي اتحصّل واللي اتصرف ويطلعهم في تقرير، لكن مفيش حساب نسب ولا تقسيم إيراد على الأطباء. لو ده أساس شغل المركز، قول لنا قبل ما تبدأ.